काठमाडौं : नेपाल प्रिमियर लिग (एनपीएल) अन्तर्गत मंगलबारको पहिलो खेलमा सुदूरपश्चिमले पावरप्लेमा मध्यम सुरुवात गरेको छ।
कीर्तिपुरस्थित टियु क्रिकेट मैदानमा टस हारेर ब्याटिङको निम्तो पाएको सुदूरपश्चिमले पावरप्लेमा ३ विकेट गुमाउँदै ४३ रन बनाएको हो।
सुदूरपश्चिमका लागि ओपनर अमित श्रेष्ठ १ रनमै इस्मात अलामको बलमा मार्टिन गुप्टिलको हातबाट क्याच आउट भए। अर्का ओपनर विनोद भण्डारी १९ बलमा ४ चौकासहित २३ रन बनाएर अनिल खरेलको बलमा प्रतिश जिसीको हातबाट क्याच आउट भए।
तेस्रो विकेटका रूपमा सुदुरपश्चिमले आरिफ शेखलाई गुमायो। उनले ५ बलमा २ चौका सहित ९ रनमा निकोलन क्रिकोटनले उत्कृष्ट क्याच लिए। बसिर अहमदको बलमा निकोलसले क्याच गरेका हुन्। हालः क्रिजमा ब्रान्डन म्याक मुलेन ७ र सैफ जैब १ रनमा खेलिरहेका छन्।
प्रतिक्रिया दिनुहोस !
