दीपेन्द्र सिंह ऐरीको आक्रामक ब्याटिङमा सुदूरपश्चिमले विराटनगरलाई दियो १८३ रनको लक्ष्य
मंसिर १८, २०८१ मंगलबार १०:४५:११
काठमाडौं : कप्तान दीपेन्द्र सिंह ऐरीको आक्रामक ब्याटिङमा सुदूरपश्चिम रोयल्सले विराटनगर किंग्सलाई १८३ रनको लक्ष्य प्रस्तुत गरेको छ। टियु क्रिकेट मैदानमा टस हारेर ब्याटिङको निम्तो पाएको सुदूरपश्चिमले निर्धारित ओभरको खेलमा ७ विकेटको क्षतिमा १८२ रन बनाएको हो।
सुदूरपश्चिमका लागि कप्तान ऐरीले अर्धशतकीय पाली खेले। उनले २३ बलमा अर्धशतक प्रहार गरेका थिए। २४ बल खेलेका ऐरीले ३ चौका र ५ छक्कासहित ५७ रनमा अविजित रहे।
प्रतिक्रिया दिनुहोस !
