झापा : झापाको मेचीनगरमा बसको ठक्करबाट मोटरसाइकल चालकको मृत्यु भएको छ। मृत्यु हुनेमा भद्रपुर नगरपालिका-१० का ५५ वर्षीय किसन न्यौपाने रहेको जिल्ला प्रहरी कार्यालय झापाले जनाएको छ।
पूर्व पश्चिम राजमार्ग अन्तर्गत मेचीनगर नगरपालिका-११ तेलिबारीमा मंगलबार दिउँसो साढे १२ बजेको समयमा बागमती प्र-०१-००६ ख ४९०९ नम्बरको बससँग मे १० प ३५७२ नम्बरको मोटरसाइकल ठोकिँदा दुर्घटना भएको थियो। दुर्घटनामा घाइते मोटरसाइकल चालक न्यौपानेलाई बीएण्डसी अस्पताल बिर्तामोड पुर्याएलगतै चिकित्सकले मृत घोषित गरिदिएको प्रहरीले जनाएको छ।
बस र बस चालक उदयपुर चौडण्डीगढी नगरपालिका-६ का ४२ विजयकुमार यादव र मोटरसाइकल इलाका प्रहरी कार्यालय धुलाबारीले नियन्त्रणमा लिएको छ।
प्रतिक्रिया दिनुहोस !
