प्रधानमन्त्री ओलीले दिए चिनियाँ राष्ट्रपतिलाई नेपाल भ्रमणको निम्तो
मंसिर १८, २०८१ मंगलबार २०:२६:१९
काठमाडौं : प्रधानमन्त्री केपी शर्मा ओलीले चिनियाँ राष्ट्रपति सी चिनफिङलाई नेपाल भ्रमणको निम्तो दिएका छन्।
मंगलबार बेइजिङमा भएको द्विपक्षीय भेटवार्तामा प्रधानमन्त्री ओलीले राष्ट्रपति सीलाई नेपालका राष्ट्रपति रामचन्द्र पौडेलको तर्फबाट नेपाल भ्रमणको निम्तो दिएका परराष्ट्र मन्त्रालयका प्रवक्ता तथा सहसचिव कृष्णप्रसाद ढकालले बताए।
उनका अनुसार प्रधानमन्त्रीले नेपाल–चीन बीचको कूटनीतिक सम्बन्धको ७० वर्षको उपलक्ष्यमा सन् २०२५ मा राष्ट्रपति पौडेलको तर्फबाट राष्ट्रपति सी नेपाल भ्रमणको निम्तो दिएका हुन्। जवाफमा राष्ट्रपति सीले नेपाल भ्रमण आमन्त्रणका लागि धन्यवाद व्यक्त गर्दै उपयुक्त समयमा नेपाल भ्रमण गर्ने बताएका थिए।
यसैगरी प्रधानमन्त्री ओलीले चिनियाँ समकक्षी ली छ्याङलाई पनि नेपाल भ्रमणको निम्तो दिएका छन्। बेइजिङमा भएको भेटवार्ताका क्रममा प्रधानमन्त्री ओलीले चिनियाँ प्रधानमन्त्री लीलाई नेपाल आउन निम्तो दिएका हुन्।
प्रतिक्रिया दिनुहोस !
