नुवाकोट : नुवाकोटमा विद्यार्थीलाई न्यानो पोसाक प्रदान गरिएको छ। विदुर नगरपालिका-५ देवीघाटस्थित शहीद जगतप्रकाश जंगशाह संस्कृत माविमा अध्ययनरत विद्यार्थीलाई बुधबार जाडोको एक/एक सेट न्यानो पोसाक हस्तान्तरण गरिएको हो।
५७ जना विद्यार्थीलाई एक/एक सेट न्यानो पोशाक हस्तान्तरण गरिएको हो। बागमती प्रदेश सभा सदस्य रमेशकुमार महतले विद्यार्थीलाई पोसाक हस्तान्तरण गरे।
उनले विद्यार्थीको पहिलो अधिकार शैक्षिक अधिकार भएको र यसको लागि आफ्नो पहलमा जाडोमा एक/एक सेट न्यानो पोशाक प्रदान गरिएको बताए। महतले विद्यार्थीलाई अध्ययनशील हुन आग्रह गरे।
प्रतिक्रिया दिनुहोस !
