काठमाडौं : युवा उद्यमीहरूलाई प्रोत्साहन गर्न अन्नपूर्ण मिडिया नेटवर्कले सुरू गरिरहेको ‘स्टार्टअपसँग अन्नपूर्ण’ अभियानमा जोडिएका स्टार्टअप कम्पनीहरूलाई नामी कलेजले विशेष उपहार उपलब्ध गराएको छ । शुक्रबार अन्नपूर्ण मिडिया नेटवर्कको तीनकुनेस्थित हेडक्वार्टरमा आयोजित एक समारोहबिच नामीले स्टार्टअप कम्पनीका लागि उपहार उपलब्ध गराएको हो ।
नामी कलेजका चिफ विजनेश डेभलपमेन्ट अफिसर निलमणी न्यौपानेले अन्नपूर्ण मिडिया नेटवर्कका महाप्रबन्धक मनोज बस्नेतलाई उपहार हस्तान्तरण गरेका हुन् । नामी कलेज ‘स्टार्टअपसँग अन्नपूर्ण’ अभियानको एजुकेशनल पार्टनर रहेको छ ।
‘स्टार्टअप कम्पनीहरूलाई प्रोत्साहन गर्नका लागि उपहार उपलब्ध गराएका हौं,'नामी कलेजका चिफ विजनेश डेभलपमेन्ट अफिसर निलमणी न्यौपानेले भने । ‘स्टार्टअपसँग अन्नपूर्ण’ जोडिएका स्टार्टअप कम्पनीहरूको ब्रान्डिङ गर्नका लागि नामी कलेजले आगामी दिनमा अन्य सहयोगहरू पनि उपलब्ध गराउने उनले प्रतिबद्धता व्यक्त गरे ।
सन् २०१२ मा स्थापना भएको नामीले स्कुलदेखि स्नातकोत्तरसम्मको अध्ययन गराउँदै आइरहेको छ ।
प्रतिक्रिया दिनुहोस !
