काठमाडौं : नेपाल प्रिमियर लिग (एनपीएल)मा कर्णालीका विलियम बोसिस्टो अर्धशतक प्रहार गरेका छन्। उनले ३७ बलमा ३ चौका २ छक्का प्रहार गर्दै अर्धशतक पूरा गरे।
उनी एनपीएलमा अर्धशतक प्रहार गर्ने १४औं खेलाडी हुन। हालसम्म एनपीएलमा १५ वटा अर्धशतक बनेका छन्। जसमा चितवनका रबि बोपाराले भने दुई खेलमा अर्धशतक हानेका छन्।
कर्णाली याक्सबाट अर्धशतक बनाउने उनी तेस्रो खेलाडी हुन्। कर्णालीबाट अर्धशतक हान्ने शिखर धवन पहिलो खेलाडी हुन भने दोस्रो खेलाडी यही खेलमा देव खनालले बनाएका हुन्।
त्यसबाहेक जनकपुरका लाहिरु मिलान्था, अनिल शाह, सुदुरका दिपेन्द्र सिंह ऐरी, रोहित पौडेल, विवेक यादव, दिनेश खरेल, ब्रान्डन म्याकमुलेन, सैब जैब, मार्टिन गप्टिल र लोकेश बमले अर्धशतक बनाएका छन्।
प्रतिक्रिया दिनुहोस !
