काठमाडौं : नेपाल प्रिमियर लिग (एनपीएल) को आज पहिलो खेलमा जनकपुर बोल्ट्सको पाँचौ विकेट गएको छ। टस जितेर पहिले बलिङ गरेको लुम्बिनी लायन्सले ५ विकेट लिएको हो।
लुम्बिनी लायन्सका अविषेश गौतमले एकै ओभर लाहिरु मिलन्था, हर्ष ठाकर र जेम्स निशामको विकेट लिएका हुन्।
त्यस अगाडि सन्दीप जोराको बलमा अनिल शाह क्याच आउट भएका थिए। ११.३ ओभरमा उनलाई विवेक यादवले क्याच आउट गरेका हुन्। शाहले ३९ बलमा ४ छक्कासहित ४५ रन बनाए।
यसैगरी ५.३ ओभरमा साद बिन जफरको बलमा आसिफ शेखलाई यादवले नै क्याच आउट गरेका थिए।
टियु क्रिकेट मैदानमा लुम्बिनीका कप्तान रोहितकुमार पौडेलले टस जितेर बलिङ रोजेका हुन्। अहिले जनकपुर बोल्ट्सले १४ ओभरको समाप्तिमा ५ विकेटको क्षतिमा १०७ रन बनाएर खेलिरहेका छन्।
प्रतिक्रिया दिनुहोस !
