काठमाडौं : नेपाल प्रिमियर लिग (एनपीएल)मा जानकपुरले दिएको १३७ रनको लक्ष्य पछ्याएको लुम्बिनीले १० ओभरमा २ विकेट गुमाउँदै ६४ रन बनाएको छ।
कीर्तिपुरस्थित त्रिवी क्रिकेट मैदानमा टस हारेर पहिले ब्याटिङ गरेको जनकपुरले दिएको १३७ रनको लक्ष्य पछ्याएको लुम्बिनीले पावरप्लेमा १ विकेट गुमाउँदै ३७ रन बनाएको थियो।
लुम्बिनीले पहिलो विकेटका रुपमा ओपनर ब्याटर अशुतोष घिरौया ८ रन बनाउँदै ललित राजवंशीको बलमा हर्ष थाकरबाट क्याच भए।
१० ओभरमा अन्तिम बलमा शेर मल्लले अर्जुन साउदलाई बोल्ड आउट गरेका हुन्। जनकपुर र लुम्बिनी दुवैको यो चौथो खेल हो। जनकपुर अविजित छ भने लुम्बिनी हालसम्म कुनै खेल जित्न सकेको छैन।
जनकपुरले पहिलो खेलमा विराटनगर किंग्सलाई ८ विकेट, दोस्रो खेलमा कर्णाली याक्सविरुद्ध पनि ८ विकेट र पोखरा एभेन्जर्सलाई ७ विकेटको जित निकालेको थियो। लुम्बिनीले पहिलो खेलमा विराटनगर किंग्ससँग २ विकेट, पोखरा एभेन्जर्ससँग १० विकेट र सुदूरपश्चिमसँग ४५ रनले पराजित भएको हो।
प्रतिक्रिया दिनुहोस !
