काठमाडौं : नेपाल प्रिमियर लिग (एनपीएल)मा चितवन राइनोजविरुद्ध सुदूरपश्चिम रोयल्सले दोस्रो विकेट लिएको छ। त्रिवि क्रिकेट मैदानमा टस जितेर पहिले ब्याटिङ गरेका चितवन राइनोजका बिपिन रावललाई सैफ जैबले विकेट लिएका हुन्।
१०.३ ओभरमा सैफको बलमा रावललाई स्कट कुग्गेलिजनले क्याच आउट गरे। रावलले २० बलमा १७ रन बनाएर पेभेलियन फर्किए।
त्यस अगाडि ३.१ ओभरमा सन्तोष कार्कीलाई ब्रान्डन म्याकमुलेनले आउट गरेका थिए। म्याकमलेनको बलमा कार्कीलाई नरेश बुढायरले क्याच आउट गरेका हुन्। कार्कीले ७ बलमा ९ रन बनाए।
हाल चितवन राइनोजले १२ ओभरको समाप्तिमा २ विकेटको क्षतिमा ७८ रन बनाएर खेलिरहेको छ।
चितवनले यस प्रतियोगिताको हालसम्म २ वटा खेल जितको छ भने एक खेलमा हार बेहोरेको छ। सुदूरपश्चिमले यसअघिका तीनमध्ये तीनै खेल जितेको थियो र अंक तालिकामा दोस्रो स्थानमा छ। सुदूरपश्चिम भने प्रतियोगितामा अपराजित छ।
प्रतिक्रिया दिनुहोस !
