पावरप्लेमा काठमाडौंको ४ विकेट पतन

काठमाडौं : नेपाल प्रिमियर लिग(एनपीएल)मा दशौं दिनको दोस्रो खेलमा काठमाडौं गुर्खाजले लुम्बिनी लायन्सविरुद्ध पावरप्लेमा २३ रन बनाएको छ ।

किर्तिपुरस्थित त्रिवि क्रिकेट मैदानमा टस जितेर ब्याटिङ गरेको काठमाडौं गुर्खाजले पावरप्लेमा ४ विकेट गुमाउँदै २३ रन बनाएको हो। 

पहिलो ओभरको तेस्रो बलमा माइकल लेभिट डक आउट भए । उनलाई रेमोन सिमोन्डले बोल्ड गरे । 

दोस्रो विकेट अभिषेश गौतमले स्टेफन इस्किनाजीलाई बोल्ड आउट गरे । उनले १६ बलमा २ चौका प्रहार गर्दै १३ रन बनाए । तेस्रो विकेट गेरहार्ड इरास्मसको गयो । उनलाई साद बिन जफरले सन्दीप जोराको हातमा क्याच गराए । इरास्मस खाता मात्रै खोलेर पेभेलियन फर्किए । 

चौथो विकेट सुमित महर्जनको गयो । उनलाई साद बिन जफरले ५.५ ओभरमा ४ रनमा एलबीडब्ल्यु आउट गरे । हाल क्रिजमा भिम सार्की ६ रन र डान डाउथवेट १ मा खेलिरहेका छन् । 
लुम्बिनीका लागि साद बिन जफरले २ विकेट लिए । अभिषेश गौतम र रेमोन्ड सिमोनले १/१ विकेट लिए ।