काठमाडौं : नेपाल प्रिमियर लिग (एनपीएल)मा दशौं दिनको दोस्रो खेलमा काठमाडौं गुर्खाजले लुम्बिनी लायन्सविरुद्ध १० ओभरमा ४२ रन बनाएको छ ।
पहिलो ओभरको तेस्रो बलमा माइकल लेभिट डक आउट भए । उनलाई रेमोन सिमोन्डले बोल्ड गरे । दोस्रो विकेट अभिषेश गौतमले स्टेफन इस्किनाजीलाई बोल्ड आउट गरे । उनले १६ बलमा २ चौका प्रहार गर्दै १३ रन बनाए । तेस्रो विकेट गेरहार्ड इरास्मसको गयो । उनलाई साद बिन जफरले सन्दीप जोराको हातमा क्याच गराए । इरास्मस खाता मात्रै खोलेर पेभेलियन फर्किए ।
चौथो विकेट सुमित महर्जनको गयो । उनलाई साद बिन जफरले ५.५ ओभरमा ४ रनमा एलबीडब्ल्यु आउट गरे । हाल क्रिजमा भिम सार्की १८ रन र डान डाउथवेट ६ मा खेलिरहेका छन् । यी दुईले ५ विकेटको लागि १९ रनको साझेदारी बनाएर खेलिरहेका छन् । लुम्बिनीका लागि साद बिन जफरले २ विकेट लिए । अभिषेश गौतम र रेमोन्ड सिमोनले १/१ विकेट लिए ।
प्रतिक्रिया दिनुहोस !
