काठमाडौं : नेपाल प्रिमियर लिग (एनपीएल) मा लुम्बिनीले १० ओभरमा ४ विकेट गुमाउँदै ३९ रन बनाएको छ । काठमाडौंले दिएको १०४ रनको विजयी लक्ष्य पछ्याएको लुम्बिनीले पावरप्लेमा ३ विकेटको क्षतीमा १६ रन बनाएको हो ।
ओपनरद्वय आशुतोष घिरौया ४ रन र अर्जुन साउद ३ रनमा समेटिँदा तेस्रो विकेट टम मोरिसको गयो । चौथो विकेट कप्तान रोहितको विकेट गयो । उनलाई दिपेश कँडेलले एलबीडब्ल्यु आउट गराए । उनले उन्मुक्त चन्दसँग २३ रनको सझेदारी गरे । रोहितले १५ बलमा ८ रन बनाउँदै आउट भए ।
हाल क्रिजमा उन्मुक्त चन्द १३ र सन्दीप जोरा १ रनमा खेलिरहेका छन् । अशुतोष र अर्जुनको विकेट दिपेश कँडेलले लिए । टमलाई इरास्मसले बोल्ड गरे ।
काठमाडौं गुर्खाजको यो चौथो खेल हो । अगाडिको ३ खेलमा पहिलो खेलमा चितवनसँग ५ विकेटले हारेको काठमाडौंले दोस्रो खेलमा भने कर्णालीलाई ३ विकेटले हराएको हो । तेस्रो खेलमा पुन सुदूरपश्चिम रोयल्ससँग ७३ रनको हार बेहोरेको हो ।
लुम्बिनीको भने यो छैटौं खेल हो । पहिलो ४ खेलमा लगातार हार बेहोरेको लुम्बिनीले पाँचौं खेलमा भने चितवन राइनोजलाई ३३ रनले हराएको हो ।
आजको पहिलो खेलमा सुदूरपश्चिम रोयल्सले जनकपुर रोयल्सलाई ७२ रनले हराएको थियो ।
११ औं दिन पहिलो खेल पोखरा एभेन्जर्स र विराटनगर किंग्सबिच हुनेछ । दोस्रो खेलमा जनकपुरबोल्ट्सले काठमाडौं गुर्खाजसँग खेल्नेछ ।
प्रतिक्रिया दिनुहोस !
