भक्तपुर : भक्तपुरमा मोटरसाइकलको ठक्करबाट एक पैदल यात्रीको मृत्यु भएको छ। भक्तपुर नगरपालिका-१० सूर्यविनायक निलन्चोक जोरपाटीमा जगातीबाट साँगा जाँदै गरेको बा ४६ प १२२७ नम्बरको मोटरसाइकलले ठक्कर दिएपछि पैदल यात्रीको मृत्यु भएको भक्तपुर जिल्ला प्रहरी परिसरले जनाएको हो।
दोरोम्बा नगरपालिका-४ घर भइ नलिन्चोक बस्दै आएका ७० वर्षीय निम बहादुर मगरको मृत्यु भएको प्रहरीले जनाएको छ। शनिबार बेलुका ८:१५ बजे मोटरसाइकलले ठक्कर दिएपछि मध्यपुर हस्पिटल लगिएको थियो।
गम्भीर घाइते भइ मध्यपुर हस्पिटल लगिएका उनको बेलुका ९:४६ बजे उपचारका क्रममा मृत्यु भएको भक्तपुर जिल्ला प्रहरी परिसरका ढुण्डीराज न्यौपानेले जानकारी दिएका छन्। उनका अनुसार हाल प्रहरी वृत जगातीले मोटरसाइकल र चालक काभ्रे जिल्ला बनेपा नगरपालिका वडा नं ६ बस्ने ४४ वर्षका जितेन्द्र श्रेष्ठलाई नियन्त्रणमा लिइ अनुसन्धान अघि बढाएको छ।
प्रतिक्रिया दिनुहोस !
