काठमाडौं : नेपाल प्रिमियर लिग (एनपीएल)मा विराटनगर किंग्सले पावरप्लेमा मध्यम सुरुवात गरेको छ।
टियु क्रिकेट मैदानमा टस हारेर ब्याटिङको निम्तो पाएको विराटनगर किंग्सले पावरप्लेमा २ विकेट गुमाउँदै ४५ रन बनाएको हो।
विराटनगरले तेस्रो ओभरको चौथो बलमा ओपनर लोकेश बमलाई गुमायो। उनी ८ रन बनाउँदै डान डाउथवेटबाट एलबीडब्ल्यु आउट भए।
दोस्रो विकेटका रुपमा विराटनगरले तेस्रो क्रमका ब्याटर निकोलस क्रिटोनलाई १२ रनमा गुमायो। उनी १० बलमा २ चौका प्रहार गर्दै रन आउट भए।
हालः क्रिजमा दिपक बोहोरा १६ र स्कोट इड्वार्ड ५ रनमा खेलिरहेका छन्। लिग चरणको दुवै टिमको यो अन्तिम खेल हो। काठमाडौंले आजको खेल राम्रो रनरेटले जितेको खण्डमा काठमाडौंको शीर्ष चारमा पुग्न सक्ने सम्भावना रहन्छ भने विराटनगर शीर्ष ४ को दौडबाट बाहिरिइसकेको छ।
प्रतिक्रिया दिनुहोस !
