दाङ : दाङको तुलसीपुरमा सवारी दुर्घटना हुँदा एक महिलाको मृत्यु भएको छ। तुलसीपुर उपमहानगरपालिका -७ स्थित हात्तिखौवामा भ्यान र स्कुटर ठोक्किँदा उक्त दुर्घटना भएको हो । दुर्घटनामा परि लमही नगरपालिका-५ निवासी ५० वर्षीया लिला भुसाल रहेको प्रहरीले जनाएको छ ।
बुधबार दिउँसो साढे १ बजेतिर घोराहीबाट तुलसीपुरतर्फ जाँदै गरेको रा १ च १३०० नम्बरको भ्यान र विपरित दिशाबाट जाँदै गरेको रा ७ प ११३५ नम्बर को स्कुटर आपसमा ठोक्किएका थिए । दुर्घटनामा परी गम्भीर घाइते भएकी भुसालको उपचारको क्रममा राप्ती प्रादेशिक अस्पताल तुलसीपुरमा मृत्यु भएको इप्रका तुलसीपुरमा प्रहरी निरीक्षक प्रकाश थापाले जानकारी दिए ।
उक्त दुर्घटनामा गरी मृतकका छोरा स्कुटर चालक २७ वर्षीय निमलाल भुसाल घाइते भएका छन् । उनको अवस्था सामान्य छ । भ्यान र स्कुटरलाई प्रहरीले नियन्त्रणमा लिएको छ
प्रतिक्रिया दिनुहोस !
