काठमाडौं : जेम्स स्कुलको खेलमैदानमा जारी थन्डरबोल्ट्स कपअन्तर्गत यू–१८ महिला समूहको भलिबल खेलमा सरस्वती मावि, माउन्ट ओलिभ स्कुल र एपीएफ स्कुल क्रमशः प्रथम, द्वितीय र तृतीय भएका छन्।
बास्केटबल खेलतर्फ यू–१८ छात्र समूहचरण, को खेलमा एलआरआई स्कुलको ३० का विरुद्ध निस्ट स्कुलले ३४ अंक जोडेको छ। यू– १८ छात्रातर्फको खेलमा लर्डस् लाइट एकेडेमीको १९ का विरुद्ध गोल्डेनगेट इन्टरनेसनल कलेजले २८ अंक प्राप्त गरेको छ।
त्यसैगरी, यू–१६ छात्रतर्फको खेलमा लिटिल फ्लावर स्कुलको १० का विरुद्ध सेन्ट जेभियर्स स्कुलले ५० अंक, निस्ट स्कुलको १४ का विरुद्ध एलआरआई स्कुलले ३२ अंक र लिटिल एन्जेल्स स्कुलको २८ का विरुद्ध मातृभूमि स्कुलले ५६ अंक प्राप्त गरेका छन्।
फुटबल खेलतर्फ १२ वर्षमुनि छात्रसमूह र क्रिकेट खेलतर्फ यू– १६ छात्रसमूहका खेल भएका थिए।
प्रतिक्रिया दिनुहोस !
१
