काठमाडौं : जेम्स स्कुलको खेलमैदानमा जारी थन्डरबोल्ट्स कपअन्तर्गत यु–१८ पुरुष समूहको शुक्रबारको भलिबल खेलमा माउन्ट ओलिभ स्कुलले प्रथमस्थान हात पारेको छ। त्यसैगरी नेपाल पुलिस स्कुल द्वितीय र फुल्चोकी मावि तृतीय भए।
क्रिकेट खेलतर्फ १८ वर्षमुनि छात्रसमूहको समूह चरणमा एलआरआई स्कुलले जेम्स स्कुललाई ४ विकेटले, भीएस निकेतन स्कुलले टेक्सस इन्टरनेसनल कलेजलाई ५ रनले र भीएस निकेतन स्कुलले जेम्स स्कुललाई ३ विकेटले पराजित गर्यो। त्यसैगरी टेक्सस इन्टरनेसनल कलेजले एलआरआई र जेम्सलाई ४३ रनले पराजित गर्यो।
बास्केटबल खेलतर्फ यु–१८ छात्र र छात्रा दुवैको समूह चरणको खेल सकिएको छ। फुटबल खेलतर्फ १२ वर्षमुनि छात्र समूह अन्तर्गतको खेल पनि भएको थियो।
प्रतिक्रिया दिनुहोस !
