ढल्केवर(धनुषा): महोत्तरीमा डाँका समूहको आक्रमणमा परी एकजनाको मृत्यु भएको छ । गएराति मनराशिसवा नगरपालिका–४ साढामा डाँका समूहको आक्रमणमा परी एक वृद्धको मृत्यु भएको महोत्तरी प्रहरीले जनाएको छ ।
मृत्यु हुनेमा ७० वर्षीय सुशिल झा रहेका महोत्तरीका प्रहरी प्रवक्ता प्रहरी नायव उपरीक्षक सन्तुलाल प्रसाद जैसवारले जानकारी दिए । उनका अनुसार डाँका समूह झाको घरमा पसेर सुनको मंगलसुत्र र औँठी लुटपाट गर्न खोज्दा झाले प्रतिकार गरेका थिए । प्रतिकार गरेका झालाई घाँटी थिचेर हत्या गरिएको प्रहरी नायव उपरीक्षक जैसवारल बताए ।
घरमा पत्नीसँग बस्दै आएका झाको घरमा ५–७ जनाको समूहमा हातहतियारसहित आएका डाँकाहरूले गहनासँगै ८० हजार रुपैयाँ नगद लुटेर लगेको बताइएको छ ।
डाँकाहरूको आक्रमणमा मृत्यु भएका झाको शव अहिले घटनास्थलमै रहेको छ। डाँकाहरूको खोजी भइरहेको प्रहरीले जनाएको छ ।
प्रतिक्रिया दिनुहोस !
