हेटौंडा : मकवानपुर प्रहरीले ८७ विगाहा क्षेत्रफलमा लगाइएको लागूऔषध गाँजा र अफिम फँडानी गरेको छ। प्रहरीले गत असार ७ गतेदेखि शनिबारसम्ममा जिल्लाको क्रमशः थाहा नगरपालिका, कैलाश गाउँपालिका, राक्सिराङ गाउँपालिका र बागमती गाउँपालिकाको विभिन्न क्षेत्रमा लगाइएको गाँजा र अफिम खेती नष्ट गरेको हो।
७५ बिगाह ७ कठ्ठा गाँजा खेती र १२ बिगाह ३ कठ्ठा अफिम खेती नष्ट गरेको मकवानपुर प्रहरीले जनाएको छ। फँडानी गर्न बाँकी रहेका अन्य स्थानहरूमा क्रमशः अभियानका रूपमा फँडानी तथा नष्ट गरिने प्रहरीले जनाएको छ।
त्यस्तै इलाका प्रहरी कार्यालय मनहरीबाट खटिएको प्रहरी टोलीले आज बिहान ४:४५ बजे डिल्लिपुरबाट १३७ केजी लागूऔषध गाँजा बरामद गरेको छ। गाँजा ओसार पसार गर्ने १२ जना फरार रहेको र उनीहरूको खोजी कार्य भइरहेको समेत प्रहरीले जनाएको छ।
प्रतिक्रिया दिनुहोस !
