पनौती : काभ्रेको पनौती नगरपालिकामा भएको पनौती नगरस्तरीय राष्ट्रपति रनिङ शिल्ड प्रतियोगिताको उपाधि कुशादेवी माध्यमिक विद्यालयले जितेको छ।
गत बिहीबार सम्पन्न प्रतियोगितामा १० स्वर्ण र ७ रजत जितेर कुशादेवी माविले राष्ट्रपति रनिङ शिल्डको उपाधि हात पारेको हो। कुशादेवीले कूल ३० स्वर्ण पदकमध्ये १० वटा पदक जितेको छ। भालेश्वर माविले ९ स्वर्ण ल्याउँदै दोस्रो भएको छ। इन्द्रेश्वर माविले ३ वटा स्वर्ण हात पारेको छ।
इतिहासमै सबैभन्दा ठूलो सफलता हात पारेपछि कुशादेवीमा विद्यार्थीलाई बाजा बजाएर नगर परिक्रमा सहित स्वागत गरिएको थियो। विद्यालय व्यवस्थापन समितिका अध्यक्ष श्रीकृष्ण थापाले केही वर्षदेखि निरन्तर गरेको प्रयासले विद्यालयले सफलता हात पारेकोमा खुसी हुँदै दुई वर्षअघि तेस्रो, अघिल्लो वर्ष दोस्रो र यो वर्ष पहिलो भएकोमा विद्यालयले विद्यार्थी, शिक्षक, विद्यालय व्यवस्थापन सबैलाई धन्यवाद सहित बधाई व्यक्त गरे। ३० प्रतियोगिताका लागि स्पर्धामा ११ सय १९ जना विद्यार्थीले सहभागी थिए।
प्रतिक्रिया दिनुहोस !
