ललितपुर : १२ वर्षमुनि छात्रसमूहअन्तर्गतको फुटबल खेलमा ब्लुम नेपाल स्कुललाई पेनाल्टी सुटआउटमा पराजित गर्दै जेम्स स्कुलले तेस्रो स्थान हासिल गरेको छ। त्यसैगरी १६ वर्षमुनि छात्रसमूहअन्तर्गत जेम्स स्कुलले विनायक स्कुललाई २–० को गोलअन्तरले पराजित गर्दै तेस्रो स्थान जित्न सफल भएको छ।
बास्केटबल खेलतर्फ यू–१८ तेस्रो स्थानका लागि सोमबार भएको खेलमा छात्रतर्फ बर्नहार्ट स्कुलले काठमान्डु वल्र्ड स्कुललाई ५६–५३ ले र छात्रातर्फ नामी कलेजले रिब्स स्कुललाई ३५–१७ ले पराजित गर्दै बर्नहार्ट स्कुल र नामी कलेजले तेस्रो स्थान हासिल गरेका छन्। त्यसैगरी, यू–१६ छात्रतर्फ भएको खेलमा एलआरआई स्कुलले रातो बंगला स्कुललाई ६२–५४ ले पराजित गर्दै एलआरआई स्कुलले तेस्रो स्थान प्राप्त गरेको छ।
१८ वर्षमुनि छात्रसमूहअन्तर्गतको जारी क्रिकेट प्रतिस्पर्धा सोमबार सम्पन्न भएको छ। उक्त प्रतिस्पर्धामा डीएभी स्कुल, भीएस निकेतन स्कुल र नेपाल पुलिस स्कुल क्रमशः प्रथम, द्वितीय र तृतीय भएका छन्।
प्रतिक्रिया दिनुहोस !
