काठमाडौं : रामेछापको सुकाजोरबाट सालुतर्फ बालुवा लिएर जाँदै गरेको टिपरबाट खसेर एक जनाको मृत्यु भएको छ।
आज दिउँसो साढे १ बजेतिर बालुवा लिएर जाँदै गरेको प्रदेश नम्बर ३ ०१ ००३ क ५७६४ नम्बरको टिफरको ढालाबाट लडेर घाइते भएका मन्थली नगरपालिका-४ सालु अर्चलेका ५२ वर्षीय नारायण बस्नेतको मृत्यु भएको जिल्ला प्रहरी कार्यालय रामेछापले जनाएको छ।
प्रहरीका अनुसार घाइते बस्नेतलाई उपचारका लागि तामाकोशी अस्पताल मन्थली रामेछाप ल्याएको थियो। उपचारको क्रममा अस्पतालले उनलाई मृत घोषणा गरेको हो।
टिपर र टिपर चालक सुनारपानी कुमार कार्कीलाई नियन्त्रणमा लिइएको जिल्ला प्रहरी कार्यालय रामेछापले जनाएको छ।
प्रतिक्रिया दिनुहोस !
