हेटौंडा : मकवानपुरका भीमफेदी गाउँपालिका ८ स्थित लटरम्मेश्वर महादेव मन्दिरमा घुम्न जाने क्रममा भीरमा फसेका चार जनाको नेपाली सेना र प्रहरीको टोलीले सकुशल उद्धार गरेका छन् ।
मन्दिरमा जाने क्रममा तारे भीरमा ४ जना फसेका स्थानीयले प्रहरीलाई जानकारी गराएका थिए । त्यसलगतै इलाका प्रहरी कार्यालय ठिंगन र महादेवटारस्थित नेपाल सेनाको वेश क्याप्पबाट गएको सात जनाको प्रहरी टोलीले मङ्गलबार साँझ उनीहरूको सकुशल उद्धार गरेको बागमती प्रदेश प्रहरी कार्यालय हेटौंडाले जनाएको छ ।
प्रदेश प्रहरीका अनुसार तारे भीरमा फसेका मध्ये काठमाडौं महानगरपालिका २ की ३६ वर्षीया मधुलिका सिंह ठकुरी, २४ वर्षीय पुकार सिलवाल, ३५ वर्षीया निर्जला शाक्य र ३४ वर्षीया सिर्जना महर्जनलाई सकुशल उद्धार गरिएको जनाएको छ।
प्रतिक्रिया दिनुहोस !
