काठमाडौं : काठमाडौं गौशालाको पिंगलास्थान स्थित बागमती होटलमा एक युवती मृत फेला परेकी छन्। बुधवार राति सवा २ बजे काठमाडौं महानगरपालिका ९ स्थित बागमती होटलमा युवती मृत भेटिएकी हुन्।
होटलको कोठा नं. ३०८ को ढोका नखुलेको जानकारी होटलवालामार्फत प्राप्त भएकोमा प्रहरी अधिकृत तथा स्थानीय जनप्रतिनिधिहरूको उपस्थितिमा ढोका खोलिएको थियो।
कोठाभित्र अन्दाजी २२/२३ वर्षकी युवती मृत अवस्थामा फेला पारेको प्रहरीले जनाएको छ। प्रहरीका अनुसार शवलाई आवश्यक कानूनी प्रक्रिया पूरा गरी पोष्टमार्टमको लागि त्रि.वि. शिक्षण अस्पताल, फरेन्सिक मेडिसिन विभागमा पठाइएको छ।
घटनामा अन्य कोही व्यक्तिहरूको संलग्नता भए, नभएको सम्बन्धमा प्रहरीले अनुसन्धान गरिरहेको छ।
प्रतिक्रिया दिनुहोस !
