रसुवा : पर्यटकीय क्षेत्र, विद्युत् आयोजनाका हब भए पनि झ्याप्पझ्याप्प बत्ती जाने समस्या छ । यसले सञ्चारमा पनि धेरै असर पार्ने गरेको छ ।
‘कहिले त मौसम राम्रो भएका बेला पनि विद्युत् अवरुद्ध हुन्छ अनि हाम्रो गाउँमा दिनरात अध्यारो मात्र होइन फोन सम्पर्क टुट्छ’, गोसाइँकुण्ड गाउँपालिका–१ थुमनका न्हिमाटासी तामाङले भने, ‘यो त यहाँको नियमित समस्या जस्तै हो ।’
गोसाइँकुण्ड गाउँपालिका–१ को खैदी डाडाँमा रहेको नेपाल टेलिकमको मोबाइल टावरमा विद्युत् विच्छेद भएपछि नेटवर्क पूरै जान्छ । त्यसपछि वरिपरि नेपाल चीन सिमानाको टिमुरे, घट्टेखोला, खैदी, बृद्धिम, खाम्जिङ, शेर्पागाउँ, थुमन, तार्सा, मेन्दोगाउँलगालयका बस्तीमा मोबाइल चल्दैन ।
कहिले त १०÷१२ घण्टाभन्दा बढी समयसम्म फोनमा नेटवर्क नहुँदा हामी उत्तरी रसुवावासीहरू समस्यामा छौं ।’ आफूहरूले पटकपटक पालिका र नेपाल टेलिकममा गुनासो गर्दासमेत सुनुवाइ नभएको न्हिमाले बताए ।
समयसमयमा नचलेर हैरान हुने गरेको ग्राहकहरूको गुनासो छ । ‘मोबाइल नेटवर्क नहुँदा न फोन लाग्छ, न त फोरजी नै चल्छ । यहाँ घुम्न आउनेदेखि स्थानीयलाई निकै समस्या पर्छ ।’
सोलार ब्याकअपले नधानेकोले यस्तो समस्या परेको नेपाल टेलिकम रसुवाका रमेश विष्टले बताए । समस्याका बारे माथिल्लो निकायमा मौखिक तथा लिखित अनुरोध पनि पठाएकोले पूरा हुने विश्वास गरेको उनले सुनाए ।
प्रतिक्रिया दिनुहोस !
