कसैले विरोध गर्दैमा सहकारीको छानबिन प्रभावित हुँदैन : सञ्चारमन्त्री
पुष २०, २०८१ शनिबार १६:४७:४०
काठमाडौं : सञ्चार तथा सूचना प्रविधि मन्त्री पृथ्वीसुब्बा गुरुङले कसैले विरोध गर्दैमा सहकारी प्रकरणको छानबिन प्रभावित नहुने बताएका छन्।
काठमाडौंमा आयोजित गरेको भुवो पर्व विशेष सांस्कृतिक कार्यक्रममा मन्त्री गुरुङले संसदीय छानबिन प्रतिवेदनका आधारमा सहकारी प्रकरणको छानबिन भइरहेको भन्दै सडकमा आन्दोलन गर्दै उन्मुक्ति पाइन्छ भन्ने नसोच्न सुझावसमेत दिए।
जनताको बचत हिनामिना गर्ने व्यक्ति वा संस्थालाई कारबाहीको दायरामा ल्याउनेदेखि सहकारीहरूलाई एकीकृत अनुशासनमा राख्नका लागि सरकार अघि बढेको उनले बताए। उनले अधिकार सम्पन्न सहकारी नियमन प्राधिकरण र सहकारी संरक्षण कोष बनाउने व्यवस्थाका लागि कानुन बनाउन सरकारले अध्यादेश ल्याएको धारणा राखे।
उनले मुलुकमा सुशासन कायम गरेरमात्रै भ्रष्टाचार नियन्त्रणका साथै आर्थिक विकास सम्भव रहेकाले सरकारको ध्यान त्यसतर्फ रहेको बताए।
प्रतिक्रिया दिनुहोस !
