काठमाडौं : काठमाडौंको धोबीखोलामा कार खसेको छ। काठमाडौं महानगरपालिका-२९ स्थित मदन भण्डारी कलेज नजिकैबाट बीएए ८७१४ नम्बरको कार पुलबाट खोलामा खसेको हो।
काठमाडौं प्रहरी परिसरका प्रवक्ता नवराज अधिकारीका अनुसार आइतबार बिहान ३:१३ बजेतिर अनामनगरबाट बानेश्वर जाँदै गरेको कार अनियन्त्रित भएर धोवीखोलामा खसेको हो।
उक्त कार ललितपुर महानगरपालिका -१ का ४६ वर्षीय विनित विक्रम सितापतिले चलाएका थिए। उनी भने सकुशल रहेको प्रवक्ता अधिकारीले जानकारी दिए।
अहिले खोलाबाट कार निकालिसकेको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
