रुकुम पश्चिम : रुकुम पश्चिमबाट हेलिकोप्टरमार्फत सुत्केरीको उद्धार गरिएको छ।
रक्तस्रावको कारण गम्भीर अवस्थामा रहेकी सुत्केरीलाई आइतबार हेलिकोप्टरमार्फत उद्धार गरेर सुर्खेत लगिएको हो। प्रमुख जिल्ला अधिकारी कुल बहादुर जिसीका अनुसार आठबिसकोट नगरपालिका-२ खदीकी २४ वर्षीया धनमाया बुढाको उद्धार गरिएको हो।
महिला, बालबालिका तथा ज्येष्ठ नागरिक मन्त्रालयको राष्ट्रपति महिला उत्थान कार्यक्रममार्फत हेलिकोप्टर प्रयोग गरेर उद्धार गरिएको हो।
आठबिसकोट नगरपालिका-२ स्थित स्यालाखदी स्वास्थ्य चौकीमा उपचार सम्भव नभएपछि प्रदेश अस्पताल सुर्खेत रेफर गरिएको हो। सुत्केरीको स्वास्थ्य अवस्था गम्भीर हुँदै गएपछि हेलिकोप्टरबाट उद्धार गरिएको हो।
प्रतिक्रिया दिनुहोस !
