रमझम साँझ-२०२४: न्यू योर्कमा नेपाली सांस्कृतिक उत्सवको भव्य आयोजना
पुष २१, २०८१ आइतबार १७:२०:२०
न्यूयोर्क : नेपाली अमेरिकन कलाकार संघ(NAAA)द्वारा आयोजित वार्षिक सांस्कृतिक कार्यक्रम “रमझम साँझ-२०२४” गुल्सन टेरेश हलमा भव्यताका साथ सम्पन्न भएको छ।
कार्यक्रमले नेपाली कला र संस्कृतिको प्रस्तुति गर्दै न्यूयोर्कका नेपाली समुदायलाई एकत्रित गर्यो र सांस्कृतिक धरोहरको संरक्षण र प्रवर्धनमा महत्त्वपूर्ण योगदान पुर्यायो। हल खचाखच भरिएको थियो र उपस्थित सबै दर्शकहरूले आफ्नो माया र सांस्कृतिक पहिचानको सम्मान गर्दै कार्यक्रमलाई सफल बनाउन महत्वपूर्ण भूमिका निभाए।
कार्यक्रमको सञ्चालन संगीता थापा मगर र दिलीप शिरीष मगरले गरे। उनीहरूको आकर्षक सञ्चालनले कार्यक्रमलाई थप मनोरञ्जनात्मक र आकर्षक बनायो। कार्यक्रमको औपचारिक उद्घाटन प्रमुख अतिथि सपना श्रीको उपस्थितिमा गरियो। स्वागत मन्तव्य NAAA का वरिष्ठ उपाध्यक्ष बिमल डाँगीले दिए। जसले कार्यक्रमको उद्देश्य र महत्वलाई स्पष्ट गर्दै उपस्थित सबैलाई सस्नेह स्वागत गरे। संरक्षक निसा सुनारले नेपाली सांस्कृतिक परम्पराको संरक्षण र प्रवर्द्धनमा कार्यक्रमको भूमिका र योगदानलाई सम्मान गर्दै सबै सहभागीलाई धन्यवाद व्यक्त गरिन्।
NAAA की अध्यक्ष वसन्ती राईले यस कार्यक्रमको दीर्घकालीन योगदान र महत्वलाई प्रस्ट्याउँदै सबैलाई आभार व्यक्त गरिन्। कार्यक्रममा न्यूयोर्कका मेयर एरिक आडम्सको कार्यालयबाट महागायक राजेश पायल राई र NAAA की अध्यक्ष वसन्ती राईलाई विशेष सम्मान प्रदान गरियो। यी सम्मानहरू संगीत र समाजसेवामा गरिएको अतुलनीय योगदानको कदर स्वरूप प्रदान गरिएको थियो। जसले उपस्थित दर्शकहरूको मन जित्यो। सांगीतिक प्रस्तुतिहरूले कार्यक्रमलाई अझ विशेष र रंगीन बनायो। प्रेम सेन्चुरीको “हे जननी अब बुद्ध जन्माइदेऊ” र दिनेश सुनारको “पार्कर” प्रस्तुतिले कार्यक्रमको सुरुवातलाई अत्यन्तै भावुक र प्रेरणादायक बनायो।
राजन ठकुरीको एकल गायनले सारा हलमा भावनात्मक वातावरण सिर्जना गर्यो। युनाइटेड किराँत राई अर्गनाइजेशनको परम्परागत नृत्य र मगर संघ न्यूयोर्क च्याप्टरको सांस्कृतिक प्रस्तुति दर्शकहरूको मनमोहक बन्यो, जसले नेपाली सांस्कृतिक विविधतामा हरायो। कार्यक्रमका प्रमुख आकर्षण भनेको राजेश पायल राईको विशेष प्रस्तुति थियो। उनले आफ्नो लाजवाब आवाज र चर्चित गीतहरू प्रस्तुत गर्दै हलमा उत्साहको माहोल सिर्जना गर्यो। उनका गीतहरूले उपस्थित सबैलाई नाच्न र गाउन प्रेरित गरे, जसले कार्यक्रमको रंगीनता थपायो।
शंकर बिसी र पार्वती राईको नृत्य एक अद्वितीय प्रदर्शन थियो। उनीहरूको जोडीले नृत्यमा नेपाली लोक र आधुनिक शैलीको सुमधुर मिलन प्रस्तुत गर्दै, दर्शकहरूलाई मन्त्रमुग्ध पार्यो। त्यसैगरी, शिव विक र ऊषा लामाको जोडीको नृत्यले नेपाली परम्परागत नृत्यको साथ आधुनिक अनुशासनलाई प्रस्तुत गर्दै सबैलाई आकर्षित गर्यो। यो जोडीको नृत्यमा हलका हाँसो र जोश देखिन्थ्यो। सृजना बिरही थापाको गीत र रश्मी तामाङको नृत्यले कार्यक्रमलाई अझ जीवित र रंगीन बनायो।
सृजनाले नेपाली लोक संगीतमा भावनाको गहिराइ प्रस्तुत गरे, जसले सारा हललाई भावनात्मक उचाइमा पुर्यायो। रश्मी तामाङको नृत्य, जसले नेपाली परम्परागत नृत्य र समकालीन शैलीको उत्कृष्ट मिश्रण प्रस्तुत गर्यो, उपस्थित दर्शकहरूलाई रोमाञ्चित बनायो। लाईभटाइम सम्मान समारोहमा अभय ढुंगेल र संगीता मुखियालाई नेपाली संगीत र समाजसेवामा गरेको योगदानको कदर गर्दै सम्मानपत्र, प्रशंसा चिन्ह र नगद पुरस्कार प्रदान गरियो।
यस सम्मानले उनीहरूको दीर्घकालीन कार्य र योगदानको मूल्यांकन गरेको हो। कार्यक्रमको समापन डीजे राजाको प्रस्तुत संगीतसँगै भएको डीजे पार्टीले हलको वातावरणलाई एकदम उत्साही र ऊर्जा पूर्ण बनायो। सबले नाच्न र रमाइलो गर्न पाएका थिए। समापन समारोहमा बसन्ती राई र निसा सुनारले कार्यक्रमको सफलतापूर्वक सम्पन्नतामा सहभागी सबैलाई धन्यवाद ज्ञापन गरे ।
प्रतिक्रिया दिनुहोस !
