धादिङको आदमघाटमा सवारी दुर्घटना : तीनजना घाइते काठमाडौं रिफर, चालक प्रहरी नियन्त्रणमा
पुष २५, २०८१ बिहीबार १५:२२:१०
काठमाडौं : धादिङको आदमघाटमा हाइस र ट्रक ठोकिँदा घाइते हुनेको संख्या १६ पुगेको छ। घाइतेमध्ये तीनजनाको अवस्था गम्भीर रहेको छ। उनीहरूलाई उपचारका लागि काठमाडौंको ट्रमा सेन्टर रिफर गरिएको छ।
पोखराबाट काठमाडौं आउँदै गरेको ग २ ख ६६६ नम्बरको हाइस र विपरित दिशाबाट आउँदै गरेको ना ६ ७१८ नम्बरको ट्रक धादिङको गल्छी गाउँपालिका- ४ स्थित आदमघाटमा ठोकिँदा उक्त दुर्घटना भएको हो। धादिङ प्रहरीका अनुसार बिहीबार दिउँसो साढे दुई बजेतिर दुर्घटना भएको हो।
घटनालगत्तै उद्दार गरी घाइतेहरूलाई उपचारका लागि अम्बिभरोसा अस्पताल गल्छी पठाइएको छ। घाइतेहरूमध्ये धेरैको शरीरका विभिन्न भागमा चोटपटक लागेको छ।
दुवै सवारी साधन र ट्रक चालकलाई नियन्त्रणमा लिइ अनुसन्धान भइरहेको प्रहरीले जनाएको छ।
प्रतिक्रिया दिनुहोस !
