खाँदबारी : सङ्खुवासभाको खाँदबारीमा जारी “तीनपोखरी कप” आमन्त्रित पुरुष फुटबल प्रतियोगिताको फाइनलमा चुलाचुली स्पोर्टिङ क्लब झापा र आयोजक तीनपोखरी समाज विकास क्लब खाँदबारी भिड्ने भएका छन्।
सोमबार भएको खेलमा एपिएफ फुटबल क्लब पकली कोशी प्रदेशलाई पराजित गर्दै चुलाचुली फाइनलमा प्रवेश गरेको छ। गत वर्षको विजेता एपिएफ ४–२ गोल अन्तरले चुलाचुलीसँग पराजित भएको हो। निर्धारित समयमा दुवै टिमले गोल गर्न नसकेपछि टाईब्रेकरमा चुलाचुलीले ४ गोल गर्दै विजयी भएको छ। बुल्स–११ फुटबल क्लब मोरङलाई हराउँदै फाइनलमा प्रवेश गरेको आयोजक तीनपोखरी चुलाचुली सँग प्रतिस्पर्धा गर्नेछ।
प्रतियोगिताको विजेताले ट्रफीसहित नगद दुई लाख २५ हजार रुपैयाँ प्राप्त गर्ने छ भने उपविजेताले नगद एक लाख १० हजार रुपैयाँ प्राप्त गर्ने छ। प्रथम “तीनपोखरी कप”को उपाधि जितेको एपिएफ यस पटक सेमिफाइनलिस्टमा चित्त बुझाएको छ। आयोजकसँग पराजित बुल्स–११ फुटबल क्लब मोरङ पनि सेमिफाइनलिस्ट भएको छ।
प्रतिक्रिया दिनुहोस !
