इजरायल र हमासबीच चाँडै युद्धविराम हुन सक्ने, पहिलो चरणमा ३३ बन्धक रिहा गरिने
बाँकी १५ दिन पछि रिहा गरिने
माघ १, २०८१ मंगलबार १२:२०:२६
इजरायल र हमास बीच युद्धविराम सम्झौता चाँडै सम्पन्न हुन सक्ने सञ्चारमाध्यमहरुमा उल्लेख गरिएको छ। यसका लागि इजिप्ट, कतार र अमेरिकाको सहयोगमा कतारको राजधानी दोहामा वार्ता भइरहेको छ। इजरायली अधिकारीहरूले सोमबार बताएअनुसार सम्झौताको पहिलो चरणमा ३३ जना बन्धकहरूलाई रिहा गरिनेछ।
हमाससँग ९४ जना इजरायली बन्धकहरू छन्। जसमध्ये लगभग ३४ जनाको मृत्यु भइसकेको छ। ७ अक्टोबर २०२३ मा हमासले २५१ इजरायली नागरिकलाई बन्धक बनाएको थियो। बाँकी बन्धकहरूलाई पहिले नै रिहा गरिएको छ।
सम्झौताको लागि अन्तिम वार्ता आज जनवरी १४ मा हुने जनाइएको छ। यो सम्झौतामा हस्ताक्षर भएपछि तुरुन्तै कार्यान्वयन हुने उल्लेख छ। युद्धविरामको पहिलो चरण ४२ दिनको हुनेछ। बाँकी बन्धकहरूलाई ३३ जना बन्धकहरूको रिहाइको १५ दिन पछि रिहा गरिनेछ। यस अवधिमा युद्धविराम स्थायी रूपमा लागू गर्ने बारेमा पनि छलफल हुनेछ।
प्रतिक्रिया दिनुहोस !
