डडेलधुरा : श्रीमतीको हत्या गरेको आरोपमा श्रीमान पक्राउ परेका छन्।
२४ वर्षीया अस्मिता थापा मगरको हत्या गरेको आरोपमा अमरगढी नगरपालिका-३ पथरोडा बस्ने ३२ वर्षीय डम्बर बहादुर थापा मगरलाई प्रहरीले पक्राउ गरेको हो।
घरायसी विवादका क्रममा डम्बर बहादुरले आफ्नै घर आँगनमा एकनाले भरूवा बन्दुकबाट गोली प्रहार गर्दा अस्मिताको घटनास्थलमै मृत्यु भएको हो। जिल्ला प्रहरी कार्यालय डडेल्धुरा र प्रहरी चौकी बागबजारबाट खटिएको प्रहरीले डम्बर बहादुरलाई भरुवा बन्दुक सहित पक्राउ गरेको छ।
यस सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया दिनुहोस !
