वासिङ्टन: अमेरिकाको राष्ट्रपति पदका लागि रिपब्लिकन उम्मेदवार डोनाल्ड ट्रम्पले ओरल्यान्डो गोलीकाण्डलाई लिएर राष्ट्रपति बाराक ओबकामाको राजीनामा माग गरेका छन् । ओबामाले यसलाई ‘कट्टर इस्लामी आतंकवाद’ भनेर भन्न नसकेको भन्दै उनले राजीनामा मागेका हुन् ।
ट्रम्पले ओरल्यान्डो घटनालाई लिएर कयौंपटक ट्विट गरेका छन् । उनले भने, ‘राष्ट्रपति बाराक ओबामाले ‘कट्टर इस्लामी आतंकवाद’ भनेर भन्लान् ? यस्तो भनेर विरोध गर्न सक्दैनन् भने ओबामाले तत्काल राजीनामा दिनुपर्छ ।’
ट्रम्पले उक्त आक्रमणका बेला सशस्त्र व्यक्तिले ‘अल्ला ओ अकबर’ भनेको दाबी गरे । आक्रमणकारीले यस्तो भनेको विषयमा प्रहरी मौन छ ।
यसैगरी डेमोक्र्याट नेतृ तथा राष्ट्रपति पदकी उम्मेदवार हिलारी क्लिन्टनले उक्त हत्याको विरोध गरेकी छन् । यस्ता आतंकवादी समूहलाई हराउन सरकारले थप कोसिस पनि गर्नुपर्ने माग गरेकी छन् ।
प्रतिक्रिया दिनुहोस !
