काठमाडौं: काठमाडौंको नयाँ बसपार्कस्थित बीजी मलमा मोबाइल एक्स्पो आयोजना हुने भएको छ। 'हरेक मोबाइलको खरिदमा हात खाली नजाने उपहार’ योजनासहित बीजी मलले यही असार १ गतेदेखि ११ गतेसम्म मोबाइल एक्स्पो सञ्चालन गर्न लागेको हो।
एक्स्पो अवधिमा ग्राहले बीजीमलका सबै फेन्सी पसलबाट सामान खरिद गर्दा २० प्रतिशत छुट पाउनेछन्। साथै उक्त अवधिमा मलमा आउने ग्राहक मध्ये २ जनाले दैनिक लक्की ड्रमार्फत स्मार्टफोन पाउने आयोजकले जनाएको छ।
मेलामा १० हजार रुपैयाँभन्दा बढीको सामान खरिद गर्ने ग्राहले अनिवार्यरूपमा आकर्षक उपहार पाउनेछन् भने एक्स्पो अवधिमा मोबाइल खरिद गर्ने ग्राहक मध्ये २ जनाले नगद फिर्ता पाउने आयोजकले जनाएको छ।
एक्स्पोमा एसएलसी दिएर बसेका विद्यार्थिले विशेष उपहार पाउने आयोजकले जनाएको छ । एक्स्पोमा सबै ब्रान्डका मोबाइल आधिकारिक सोरुम रहनेछ भने त्यहाँ एक हजारदेखि ९९ हजार रुपैयाँसम्मका मोबाइल सेट राखिने छन्।
एक्स्पो अवधिमा मोबाइल खरिद गर्ने मध्ये एक जोडीले २ रात ३ दिनको पोखरा ट्रिपको मज्जा लिनपाउने आयोजकले जनाएको छ।
प्रतिक्रिया दिनुहोस !
