पेरिस: खेल सकिनै लाग्दा लगालग दुई गोल गर्दै आयोजक फ्रान्सले अल्बानियालाई पराजित गरेको छ ।
युरोकप अन्तर्गत समूह चरणको यो भिडन्तमा निर्धारित समय सकिएर इन्जुरी समयमा खेल चरिलरहेका बेला फ्रान्सले दुई गोल गर्दै अन्तिम १६ को यात्रा तय गरेको छ ।
यससँगै फ्रान्स युरोकपको अन्तिम १६ मा पुग्ने पहिलो टोली बन्न सफल भएको छ ।
समूह ए मा रहेको फ्रान्सलाई अन्तिम १६ मा पुर्याउने क्रममा खेलको ९० औं मिनेटमा डिमत्री पायटले पहिलो गोल गर्दै अल्बानियालाई स्तब्ध बनाए ।
खेल बराबरीमा सकिने अनुमान गर्दै निराश बनेका घरेलु दर्शकलाई खुसी बनाउने क्रममा खेलको अतिरिक्त समयम छैटौं मिनेटमा एट्लेटीको मड्रिडका एन्टेनियो ग्रिजमनले अर्को गोल थपे ।
यो जितसँगै फ्रान्स समूह ए बाट दुई खेल जित्दै ६ अंक जोडेर समूह बिजेता बनेको छ ।गएराति भएको खेलमा रोमानियासँग अंक बाँडेको स्विटजरल्यान्ड ४ अंकसहित दोस्रो स्थानमा रहेको छ ।
गएराति भएको खेलमा स्विट्जरल्याण्डले रोमानियासँग १-१ गोलको बराबरी खेले पनि अघिल्लो चरण पुग्ने सम्भावना बलियो बनाएको छ ।
खेलको १८ औं मिनेटमा पेनाल्टीबाट गोल गर्दै बोग्दान स्टान्चुले रोमानियालाई अग्रता दिलाएका थिए। तर दोस्रो हाफमा खेलमा फर्केको स्विटजरल्यान्डले गोल गरेको हो । उसका लागि खेलको ५७ औं मिनेटमा अद्मिर मेहेमेदीले बराबरी गरे ।
प्रतिक्रिया दिनुहोस !
