काठमाडौंः आयोजक अमेरिका कोपा अमेरिका फुटबल प्रतियोगिताको सेमिफाइनलमा प्रवेश गरेको छ । शुक्रबार बिहान भएको खेलमा इक्वोडरमाथि २–१ को जित निकाल्दै अमेरिकाले सेमिफाइनल यात्रा तय गरेको हो ।
दुबै देशका एक एक खेलाडीले रातो कार्ड पाएको तनावपूर्ण खेलमा लाखौं घरेलु दर्शकलाई खुसी बनाउँदै अमेरिका अघि बढेको हो ।
अमेरिकाको जितका लागि खेलको २२ औं मिनेटमा डेम्प्सीले पहिलो गोल गर्न सफल भए ।
त्यसपछि पहिलो हाफ १–० मा सकियो । दोस्रो हाफ शुरुसँगै खेल तनावपूर्ण हुँदा ५२ औं मिनेटमा भ्यालेन्सियाले रातो कार्ड खाँदै मैदान छाडेपछि इक्वोडर १० खेलाडीमा सीमित भयो ।
उनीसँगै अमेरिकाका जोन्स पनि भ्यालेन्सियासँगै रातोकार्ड खाँदै मैदान छाडेपछि करिब ४५ मिनटेको समय दुबै टोलीले १० खेलाडीमा प्रतिस्पर्धा गरे ।
१० खेलाडीमा सीमित भएपनि अमेरिकाले डेम्प्सीको पासमा जर्डेसको गोलमा २–१ को अग्रता लियो ।
त्यसपछि खेलको ७४ औं मिनेटमा अर्ओयोले गोल गर्दै खेललाई २–१ को अवस्थामा ल्याए । तर, त्यसपछि दुबै टीमले गोल गर्न नसक्दा अमेरिका उपाधि भन्दा दुई खेल नजिक पुग्न सफल भएको हो ।
प्रतिक्रिया दिनुहोस !
