काठमाडौंः कोपा अमेरिका फुटबल प्रतियोगिता अन्तरगत समूह चरणको खेलमा ब्राजिललाई पराजित गरेको पेरु सेमिफाइनल प्रवेशका लागि भएको खेलमा कोलम्बियासँग पराजित भएको छ ।
अमेरिकामा जारी कोपा अमेरिका फुटबल प्रतियोगिता अन्तरगत बिहान भएको क्वार्टरफाइनल भिडन्तमा पेरु कोलम्बियासँग पेनाल्टी सुटआउटमा ४–२ ले पराजित भएको हो ।
न्यू जर्सीमा निर्धारित ९० मिनेट र थपिएको समयमा पनि दुबै देशले गोलरहित बराबरी खेलेपछि पेनाल्टी सुटआउटबाट हारजितको छिनोफानो गरिएको थियो ।
कोलम्बियालाई सन् २००४ यता पहिलो पटक कोपा अमेरिकाको सेमिफाइनलमा पुर्याउने क्रममा जेम्स रोड्रिग्वेज, जुआन क्योडार्डो, ड्यारो मोरेनो र सेबास्टियन पेरेजले पेनाल्टीलाई गोलमा परिणत गरे ।
कोलम्बियाको जितमा उसका गोलकिपर डेभिड ओस्पिना नायक बने । उनले पेरुका मिग्वेल ट्रायुकाको प्रहारलाई प्रहारलाई खुट्टाले उत्कृष्ट बचाउ गरे । त्यसअघि पेरुका क्रिश्टियन क्युएभाको प्रहार पोस्टको बारमाथिबाट बाहिरिएको थियो ।
प्रतिक्रिया दिनुहोस !
