काठमाडौंः नेपाली कांग्रेसका नेता प्रकाशमान सिंहले राजनीतिक सहमति नगरी हचुवाका भरमा निर्वाचनमा जान नहुने बताएका छन् ।
नेपाली कांग्रेस नागार्जुन नगर समितिले आयोजना गरेको कायक्रममा बोल्दै नेता सिंहले सरकारले प्रमुख प्रतिपक्षी दलसँग राजनीतिक सहमति नगरी हचुवाको भरमा निर्वाचन हुन नसक्ने बताएका हुन् ।
ओली सरकारको यस्तो हेपाहा प्रवृत्तिविरुद्ध पार्टीभित्र गम्भीरता साथ छलफल गरेर अघिबढ्ने समेत उनको भनाइ थियो ।
सरकार सत्ता टिकाउन हचुवाको भरमा निर्वाचनको नारा दिएर मुलुकमा राजनीतिक सहमतिको बाधक बनिरहेको समेत उनले आरोप लगाए ।
कांग्रेस सबैभन्दा बढी चुनावको पक्षमा रहेको बताउँदै उनले प्रमुख प्रतिपक्षी कांग्रेससँग कुनै छलफल नगरी यकलौटीरुपमा चुनाव गरेर देखाउन सरकारलाई चुनौती समेत दिए ।
भूकम्पपीडितका नाममा समेत राजनीति गरेर वास्तविक पीडितहरुलाई राहात र पुनर्वासको कुरामा पक्षपात गरिरहेकाले यसलाई कांग्रेसले कडारुपमा उठाउने उनको भनाइ थियो ।
सरकार काम भन्दा कुराको भुलभुलैयामा पारेर मुलुकलाई अस्थिरतामा लान उद्यत रहेको आरोप पनि उनले लगाए । राजनीति सहमति जुटाएर सहमतिकासाथ अघि बढ्नुपर्नेमा एकलौटीरुपमा चलेकाले सहमतिको वातावरण बनाएर मुलुकलाई निकास दिन उनले आग्रह गरे ।
प्रतिक्रिया दिनुहोस !
