ब्रासिलियाः ब्राजिलमा सन् २०१६ मा स्वाइन फ्लूबाट कम्तीमा पनि ८८६ नागरिकको ज्यान गएको छ ।
पछिल्ला केही मैनामा फैलिएको स्वाइन फ्लूको प्रकोपले सयौँको ज्यान लिएका त्यहाँका स्वास्थ्य अधिकारीले जनाएका छन् । उनीहरुका अनुसार यस सङ्क्रमणबाट यति छोटो समयमै त्यति धेरै नागरिक मारिएका बताइएको छ ।
ब्राजिलको स्वास्थ्य विभागले शुक्रबार प्रकाशन गरेको एक रिपोर्टमा त्यहाँ इन्फ्लुएन्जा ए अर्थात एचवान एनवान भाइरसबाट ती नागरिकको ज्यान गएको छ ।
उक्त प्रतिवेदनले ४५८१ जनामा यस सङ्क्रमणको प्रकोप देखिइएको पनि जनाएको छ । यो स्वासप्रस्वासमा हुने रोग हो ।
यस्तै प्रकारको तर स्वासप्रस्वासको अर्को रुपका कारण पनि सन् २०१६ मा नै त्यहाँ अरु ९३ जनाको ज्यान गएको पनि प्राप्त रिपोर्टमा उल्लेख छ ।
यो दक्षिण अमेरिकी देशमा गएको हप्तामात्र पनि ६०० भन्दा बढी यस प्रकोपका विरामी भर्ना भएका छन् । यसको संक्रमण दर निकै बढ्दै गएकोले सबैतर्फ सतर्कता अपनाइएको बताइएको छ ।
स्वास्थ्य मन्त्रालयले सतर्कता अपनाउन सबैतर्फ ध्यानाकर्षण पनि गराएको अन्तराष्ट्रिय सञ्चार माध्ययमले जनाएका छन् । एजेन्सी
प्रतिक्रिया दिनुहोस !
