सोलः सुतेको अवस्थामा दक्षिण कोरियामा एक नेपाली युवाको मृत्यु भएको छ । नरेफाटी बागलुङा हिरा पुनको आइतबार बिहान मृत्यु भएको हो ।
उनी छनान नजिक सुसिनस्थित एक प्लास्टिक कम्पनीमा कार्यरत थिए । आइतबार साथीसँग स्मार्ट बैंकिङ सेवा सुचारु गर्न छनान जाने सल्लाह गरी सुतेका थिए ।
बिहान अचेत रहेका पुनलाई प्रहरीमार्फत अस्पताल पु¥याइएको थियो । अस्पतालले मृत्यु भैसकेको जानकारी गराएको उनीसँगै कार्यरत बुटवलका गणेश श्रेष्ठले जानकारी दिए । पुन रोजगारीका लागि दुइ वर्षअघि कोरिया आएका थिए ।
पुनले कार्यस्थल परिवर्तन गरी पाँच महिनाअघि उक्त कम्पनीमा सरेका थिए । पुनले काम गर्दै आएको कम्पनीमा अन्य तीन नेपाली युवा कार्यरत छन् । ३२ वर्षीय पुनका श्रीमती र छोरी छन् ।
पुनको मृत्युबारे प्रहरी रिपोर्ट प्राप्त नभएको सोलस्थित कार्यबाहक राजदूत किरण शाक्यले जानकारी दिए । आइतबार बिदा परेकाले सोमबार परराष्ट्रलाई जानकारी गराउने उनले बताए ।
प्रतिक्रिया दिनुहोस !
