टोकियो: सिन्धुपाल्चोकस्थित गिरानचौर एकीकृत बस्ति निर्माणका लागि धुर्मुस-सुन्तली फ़ाउन्डेशनलाई जापानबाट आठ लाख रुपैयाँ आएको छ ।
जापानबासी नेपालीको सहयोगमा संकलित उक्त रकम धुर्मुस-सुन्तली फाउन्डेसन गिरानचौर एकीकृत बस्ती निर्माणको सहयोगार्थ आर्थिक संकलन अभियान जापानका संयोजक शिव तन्डुकारले आइतबार फाउण्डेशनको नेपालस्थित बैंक खातामा पठाएका हुन् |
जापान मनी एक्सप्रेस (जेएमइ) बाट पठाइएको उक्त रकम जापानस्थित नेपाली सञ्चारकर्मी आनन्द कोइराला, शान्त पहरी र एनआरएनए आइसीसी सदस्य ओम गुरुङको रोहबरमा नेपाल पठाइएको जापानबाट पत्रकार पुर्ण चलाउनेले जानकारी दिएका छन् |
धुर्मुस-सुन्तली फाउन्डेसनबाट प्रभावित भएर सहयोग गरिएको अभियानका संयोजक तन्डुकारले बताए |
अभियानका सह-संयोजक हरिचन्द्र लामाले अभियान सामाजिक सेवा भएको बताउँदै सहयोग गर्ने सबैमा धन्यबाद ब्यक्त गरे | धुर्मुस-सुन्तली फाउन्डेसनले हाल गिरानचौर एकीकृत बस्ती निर्माण परियोजना अन्तर्गत ६५ वटा घर निर्माण गरिरहेको छ |
प्रतिक्रिया दिनुहोस !
