काठमाडौंः अफगानिस्तानको राजधानी काबुलमा नेपाली सुरक्षागार्ड सवार एक गाडीमा आत्मघाती बम आक्रमण हुँदा १२ जनाको ज्यान गएको छ ।
सोमबार बिहानै मिनी बसलाई निशाना बनाएर गरिएको आत्मघाती बम आक्रमण १२ जनाको ज्यान गएको हो । ज्यान गुमाउने १२ जना नेपाली सुरक्षाागार्ड रहेको अन्तराष्ट्रिय सञ्चारमाध्यमले जनाएका छन् ।
अफगानी अधिकारीका अनुसार यस हमलामा परेर ३० भन्दा धेरै मानिस गम्भीर घाइते भएका छन् । आक्रमणमा परेको यस मिनिबसमा १२ जना नेपाली सुरक्षागार्ड सवार थिए ।
घटनास्थलमा कयौं एम्बुलेन्स पुगेर घाइतेलाई धमाधम अस्पताल पुर्याएका छन् ।
परराष्ट्र मन्त्रालयका प्रवक्ता भरतराज पौड्यालले पत्रकार सम्मेलन गरेर काबुलमा मारिएका १२ नेपालीको नाम आएको पत्रकारहरुलाई बताएका छन् ।
स्थानीय प्रहरीका अनुसार आत्ममघाती हमलामा संलग्न व्यक्ति पैदल नै सवार थिए । ती आक्रमणकारीले मिनिबस आफू नकिज आइपुगेपछि बमले उडाएका हुन् ।
अफगान मिडियाले एक सरकारी अधिकारीलाई उधृत गर्दै जनाए अनुसार रमजान सुरु भएपछि काबुलमा यो पहिलो आतंकवादी हमला हो ।
यसभन्दाअघि १९ अप्रिलमा भएको हमलामा ६४ जना मानिस मारिएका थिए । घटनामा ३४० भन्दा बढी मानिस घाइते भएका थिए । तालिबान त्यो हमलाको जिम्मेवारी लिएको थियो ।
प्रतिक्रिया दिनुहोस !
