काठमाडौँः प्रहरीले ६ जना महिलालाई बलात्कार गरी हत्या गरेर फरार भएका ‘सिरियल किलर’ लाई २० वर्षपछि पक्राउ गरेको छ ।
नेपाल प्रहरीको केन्द्रीय अनुसन्धान ब्युरोले बाराको डुमरवानाका ५० वर्षीय प्रेम भनिने मानबहादुर बुढाथोकीलाई भारतीय प्रहरीको सहयोगमा पक्राउ गरेको हो ।
बुढाथोकी लामो समयदेखि कान्छी पत्नीसँग भारतको राजधानी नयाँदिल्लीस्थित नोयडामा बस्दै आएका थिए । उनकी जेठी पत्नी डुमरवानामै छिन् ।
केन्द्रीय अनुसन्धान व्युरोका डीआईजी नवराज सिलवालले बुढाथोकीबारे थप अनुसन्धान भइरहेको बताए ।
बुढाथोकी विभिन्न ३२ वटा जवरजस्ती करणीका घटनामा संलग्न रहेको प्रहरीले बताएको छ । प्रहरीसँगको बयानमा बुढाथोकीले ६ महिलाको हत्या र ३२ वटा करणीका घटनामा आफनो संलग्नता रहेको स्वीकारेका छन् ।
बुढाथोकीले २०५३ असार ९ गते महोत्तरी बर्दीबासकी शारीरिकरुपमा असक्त एक महिलालाई स्थानीय सागरनाथ वन बिकास परियोनाको जंगलमा बलात्कार गरी पछयौराले बाँधेर हत्या गरेका थिए ।
त्यसअघि २०५२ फागुन २४ गते बुढाथोकीले धनुषाको बेगाडावरमा माइतबाट फर्कँदै गर्दा स्थानीय एक महिलालाई बलात्कारपछि पश्चात हत्या गरेको प्रहरी अनुसन्धानले देखाएको छ ।
बुढाथोकीले २०५२÷०५३ मा महोत्तरी र धनुषा जिल्लाका विभिन्न स्थानमा जवरजस्ती करणी पछि ६ महिलाको हत्या गरेका थिए ।
बुढाथोकीले गाई, वाख्रा चराउन गएका, माइतबाट फर्कँदै गरेका, एक्लै यात्रारत र शारीरिकरुपमा अशक्त महिलालाई शिकार बनाउने गरेको गरेका थिए ।
प्रतिक्रिया दिनुहोस !
