विर्तामोडः झापाको दमक–५ स्थित बेलडाँगी शिविर नजिकैको बस्तीमा गएराति लागेको आगलागीमा परी नौवटा घरमा रहेका २१ वटा पसल जलेर नस्ट भएका छन् ।
बेलडाँगी–२ भुटानी शरणार्थी शिविर नजिकैको बजारमा राति ८ बजेदेखि आगलागी सुरु भएको जिल्ला प्रहरी कार्यालय झापाका प्रवक्ता डिएसपी हरिप्रसाद शर्माले जानकारी दिए ।
स्थानीय कपडा व्यवसायी मदन रिजालको घरबाट सुरु भएको आगो छेउछाउका घर तथा पसल सम्म फैलिएको थियो । विद्युत् सर्ट भई आगो लागेको हुनसक्ने प्रहरीको अनुमान छ । आगलागीबाट करीब एक करोड पचास लाख रुपैयाँ बराबरको क्षति भएको अनुमान प्रहरीको छ ।
दमक, बिर्तामोड तथा भद्रपुर नगरपालिकाका दमकल, प्रहरी, शरणार्थी र स्थानीयबासीको प्रयासबाट राति ११ बजेतिर आगलागी नियन्त्रणमा लिइएको प्रहरीले जनाएको छ ।
प्रतिक्रिया दिनुहोस !
