काठमाडौंः अफगानिस्तानको राजधानी काबुलमा सोमबार बिहान तालिवानको आक्रमणमा मारिएका १२ जना नेपालीको शव लिन सरकारले जहाज पठाउने निर्णय गरेको छ ।
काबुलस्थित बेलायती सुरक्षा कम्पनीको कार्यालयबाट क्यानाडेली दूतावासतर्फ मिनीबसमा जाँदै गरेका नेपालीमाथि सोमबार बिहान तालिवानले आत्मघाती आक्रमण गरेका थिए ।
नेपाल वायुसेवा निगमको जहाज मंगलबारै त्यसतर्फ गइ बुधबारसम्म शव र घाइते नेपाल ल्याइने परराष्ट्र मन्त्रालयले जनाएको छ ।
शव र घाइते ल्याउन मंगलबार परराष्ट्रमा तीनै सुरक्षा निकाय, निगम, स्वास्थ्य मन्त्रालय र वैदेशिक रोजगार विभाग लगायतका उच्च पदाधिकारीको बैठक बसेको थियो ।
परराष्ट्र मन्त्रालयका प्रवक्ता भरतराज पौडेलले जहाज छिट्टै पठाई अफगानिस्तानबाट शव र घाइते ल्याउने तयारी भइरहेको जानकारी दिए ।
अफगानिस्तानको काबुलमा मङ्गलबार बिहान भएको घटनामा परी १२ नेपालीको ज्यान गएको थियो । सो घटनाप्रति नेपाल सरकारले घोर भत्र्सना र निन्दा गरिसकेको छ ।
क्यानडाली दूतावासमा कार्यरत उनीहरु त्यसतर्फ मिनीबसमा जाँदै गर्दा मङ्गलबार बिहान ५:४० बजे आक्रमणकारीको आत्मघाती बम हमलामा परेका थिए ।
घटनामा परेर दिवङ्गत नेपालीको शव स्वदेश ल्याउन तथा घाइतेको उपचार लगायतको व्यवस्था मिलाउन पाकिस्तानस्थित कावा राजदूत त्यसतर्फ पुगिसकेको परराष्ट्र मन्त्रालयले जनाएको छ ।
उक्त आत्मघाती आक्रमण परेर १२ जना नेपालीको मृत्यु भएको थियो भने सातजना घाइते भएका थिए ।
अफगानिस्तानमा आतंककारी हमलामा निधन भएका नेपालीहरुको शव र घाईतेहरु लिन सरकारले नेपालबाट जहाज पठाउने निर्णय गरेको छ।त्यसको आबश्यक तयारि हुंदैछ
— Kamal Thapa (@KTnepal) June 21, 2016
प्रतिक्रिया दिनुहोस !
