डोनाल्ड ट्रम्पको हत्या प्रयास, एक पक्राउ
![डोनाल्ड ट्रम्पको हत्या प्रयास, एक पक्राउ](https://annapurnapost.prixacdn.net/media/albums/5769740c03bab7.75889871_R8L63lovOG.jpg)
लस एन्जल्सः बेलायती मूलका १९ वर्षीय एक युवकलाई लस भेगासमा आयोजित एक कार्यक्रममा रिपब्लिकन पार्टीका तर्फबाट राष्ट्रपतिका सम्भावित उम्मेदवार डोनाल्ड ट्रम्पको हत्या गर्ने प्रयास गरेको भन्दै पक्राउ परेका छन् ।
उनले प्रहरी अधिकारी अमिल ज्याकोबको बन्दुक लुट्ने प्रयास गरेका थिए । नेभ्दाको संघीय अदालतमा दर्ता गरिएको उजुरीअनुसार माइकल सेनफोर्डले शनिबार आयोजना गरिएको र्यालीमा उनले हतियार लुट्न खोजेका थिए । त्यसलगत्तै प्रहरीले उनलाई नियन्त्रणमा लिएको थियो ।
ती युवाले गिरफ्तारीपछि अमेरिकी सेक्रेट सर्भिसका एक एजेन्टसँग आफूले हतियार चलाउने तालिम लिएर आएको बताएका छन् । ट्रम्पको हत्या गर्न भनेर आफू क्यालिफोर्नियाबाट लस भेगास आएको पनि खुलासा गरेका छन् ।
सेनफोर्डले ट्रम्पमाथि एक दुईपटक गोली प्रहार गरेपछि आफू पनि प्रहरीको गोलीबाट मारिनेमा ढुक्क भएको पक्राउपछि प्रहरीलाई जानकारी दिएका छन् । सेनफोर्डले फिनिक्समा आयोजना गरिने र्यालीका लागि टिकट किनेका थिए ।
लस भेगासमा ट्रम्पको हत्या गर्न असफल भएका त्यहाँ हत्या गर्ने उनले योजना बताएका थिए । सोधपुछका क्रममा उनले हत्याका लागि आफूले बनाएका योजना सबै बताएका छन् ।
उनीबाट खतरा हुन सक्ने र भाग्ने मौका पाउने आशंकामा भन्दै उनलाई कुनै टिप्पणी नउठाई प्रहरीले हिरासतमा राखेको थियो । र्यालीमा छिर्नुभन्दा पहिला जाँच हुने हुनाले उनले कार्यक्रमस्थलमै प्रहरीकै हतियार खोस्न खोजेको स्वीकार गरेका छन् । मौका पाएमा आफूले फेरि यस्तो कोसिस गर्ने भन्दै वयानका क्रममा जानकारी दिएका छन् ।
ट्रम्पको र्यालीमा दंगा प्रहरी तैनाथ गरिँदै आएको छ । र्यालीका क्रममा कयौं प्रदर्शनकारी पक्राउ पर्दै आएका छन् । उनको र्यालीमा विरोध प्रदर्शन पनि हुन थालेका छन् ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)