काठमाडौंः युरोकप फुटबल प्रतियोगिता अन्तरगत मंगलबार राति भएको खेलमा विश्वबिजेता जर्मनीले कम्जोर प्रतिद्वन्द्वी नर्दन आयरल्यान्डमाथि १–० को कठिन जित निकालेका हो ।
साँघुरो जित निकाल्ने क्रममा जर्मनीका लागि खेलको २९ औं मिनेटमा मारियो गोमेजले गोल गरे । नर्दन आयरल्यान्डडको डी बक्समाम अलमलिइरहेको बललाई थोमस मुलरले पास दिएपछि गोमेजले जित दिलाएका हुन् ।
समूह सी मा यो जितपछि जर्मनी ७ अंकसहित पहिलो स्थानमा रहँदै जर्मन अन्तिम १६ मा पुग्न सफल भएको छ । यही समूहमा रहेको पोल्यान्डले पनि आजै भएको खेलमा युक्रेनमाथि १–० को जित निकालेको छ ।
यो जितपछि जर्मनीले दुई खेलमा जित र एकमा बराबरी गर्दै ७ अंकसहित समूह विजेता हुँदा पोल्यान्ड पनि २ खेलमा जित र एकमा बराबरी गर्दै समान ७ अंकसहित दोस्रो स्थानमा रहँदै अन्तिम १६ मा पुगेका हुन् ।
प्रतिक्रिया दिनुहोस !
