राष्ट्रसंघीय समितिमा बन्दना राणा निर्वाचित

राष्ट्रसंघीय समितिमा बन्दना राणा निर्वाचित

सन्तोष घिमिरे

काठमाडौंः लामो समयदेखि नेपालमा महिला अधिकारका क्षेत्रमा क्रियाशील ऋधिकारकर्मी एवं सञ्चारकर्मी वन्दना राणा महिलाविरुद्ध हुने भेदभाव अन्त्यसम्बन्धी संयुक्त राष्ट्रसंघीय समितिको सदस्यमा निर्वाचित भएकी छन् ।

राष्ट्रसंघीय उच्च पदमा नेपाली महिला पुगेको यो पहिलो अवसर हो । न्युयोर्कमा मंगलबार भएको निर्वाचनमा राणा विजयी भएकी हुन् ।

न्युयोर्कस्थित संयुक्त राष्ट्रसंघका लागि नेपाली स्थायी नियोगका प्रवक्ता लोकबहादुर क्षेत्रीले टेलिफोनमा दिएको जानकारीअनुसार राणाले १०६ मत पाएकी छन् । उनीसँगै विभिन्न देशका २६ जना महिला अधिकारकर्मीले प्रतिस्पर्धा गरेका थिए । क्षेत्रीका अनुसार बढी मत पाएर विजयी भएका ११ मध्ये उनी ६ नम्बरमा पर्न सफल भएकी छन् ।

राणाले आगामी जनवरी १, २०१७ देखि २०२० सम्म उक्त समितिको सदस्य पदमा रहेर काम गर्नेछिन् । सरकारले गत मार्चमा राणाको नाम उक्त समिति सदस्यका लागि मनोनयन गरेको थियो । त्यसलगत्तै परराष्ट्र मन्त्रालय र न्युयोर्कस्थित नेपाली नियोगलगायत विदेशस्थित नेपाली नियोगमार्फत राणालाई सो पदमा जिताउन सरकारले कूटनीतिक लबिङ तीव्र पारेको थियो ।

विगतमा सरकारले उक्त पदमा अर्की महिला अधिकारकर्मी सपना मल्ल प्रधानलाई मनोनयन गरे पनि उनले निर्वाचनमा विजय प्राप्त गर्न सकेकी थिइनन् ।

केही समयअघि मात्र नेपाल संयुक्त राष्ट्रसंघीय ७१ औं महासभाको उपाध्यक्षमा एक वर्षका लागि निर्वाचित भएको थियो । अधिकारकर्मी राणाले विगतमा नेपाल टेलिभिजनमा लामो समय समाचार वाचिकाका रूपमा काम गरेकी थिइन् । त्यस्तै गैरसरकारी संस्थामा रही महिला अधिकारका पक्षमा निरन्तर काम गर्दै आएकी छन् ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.